Чуукаарга Эһээ Дьыл сиэнинээн Хаарчааналыын ыалдьыттаатылар.

Сэтинньи 18 күнэ – Эһээ Дьыл төрөөбүт күнэ. Бу күн Ньурба улууһун Чуукаар нэһилиэгэр Эһээ Дьыл уонна Хаарчаана ыалдьыттаан аастылар. Оскуола алын кылааһын оҕолоро уонна “Ымыычаан” оҕо саадын иитиллээччилэрэ ZOOM сыһыарыынан быһа эпииргэ Эһээ Дьылга хоһоон ааҕан иһитиннэрдилэр, Хаарчаана Эһээ Дьылы таһырдьа көрсөн харыйаны симээн көһүтэ сылдьарын оҕолорго быһа эпииринэн көрдөрөн үөртүлэр, оҕолор Эһээ Дьылы ыҥырбыттарыгар кулуупка киирэн Саргылаах Саҥа Дьылынан эҕэрдэлээтэ.

Оҕолор астына, дуоһуйа көрбүттэрэ төһө да куйаар ситиминэн буоллар олус үөртэ, дууһаны астыннарда. Оҕолор Саҥа Дьыл алыптаах киэһэтигэр Эһээ Дьылы кэтэһэллэрин, кэһии аҕаларын эрэнэ хааллылар.

Иһитиннэриини оҥордо Лэкээрин Сэргэн