Сэргэх тэрээһиннэр төһө да тэйиччиттэн үлэлии олордорбут,
Хамсык кэмигэр таах олорон хаалбакка нэһилиэкпит дьонугар анаан араас хабааннаах тэрээһиннэри ыытабыт. Ону барытын тиһигин быспакка тахсар Лэкээрин Сэргэн Ил Ютуб сирэйигэр көрдөрөбүт иһитиннэрэбит. Алтынньы ыйга дьону-сэргэни түмпэккэ кэтэхтэн ыыппыт күөн күрэстэрбит түмүгүн алтынньы 30күнүгэр ИНСТАГРАМ нөҥүө быһа эпииргэ таһаардыбыт.Ол курдук, саха сирин ийэлэрин күнүгэр анаан инстаграм платформа нөҥүө "Ньургуһун "дьахталлар кэмитиэттэрин уонна олохтоох дьаһалта көҕүлээһиннэринэн "Ийэ илгэлээх илиитинэн " диэн олус сэргэх быыстапка буолла.Манна кыттааччылар араас иискэ,аска,оҕоруот олордуутугар сатабылларын,кыһамньыларын көрөн олус сэргээтибит сэҥээрдибит.Хас биирдии кыттыбыт кэрэ аҥар бары туоһу суругунан бэлиэтэннилэр
Комсомол төрөөбүт күнүгэр анаан "Эн комсомол мин дьолум" диэн эмиэ инстаграм нөҥүө өссө биир киһи болҕомтотун тардар күрэх буолла.Манна кыттааччылар комсомол сайдан турар кэмигэр түспүт хаартыскаларын,хаһыаттан ыстатыйалары хаартыскаҕа түһэрэн уонна видеоролик оҥорон ыыппыттар. Надежда, Александр Ивановтар нэһилиэккэ маҥнайгы итирдэр утаҕа суох комсомольскай сыбаайба оҥорбуттарын бу быыстапкаттан биллибит,олус сэҥээрдибит.
Түмүгэр, саамай киэҥ уонна дириҥ ис хоһоонноох комсомольскай матырыйааллардаах быыстапкалаах Валерий Николаевич Кыппыгыров кыайыылаах буолан,грамотанан уонна сэмэй бэлэҕинэн бэлиэтэннэ.
Алтынньы 26 күнүгэр билиҥҥи балаһыанньа бары ирдэбиллэрин тутуһан "хабылык- хаамыска" оонньуутугар түөлбэлэр икки ардыларыгар уонна биирдиилээн киирсээччилэргэ аһаҕас турнир буолла.Бу күөн көрсүү түмүгэр түөлбэлэр : "Сэргэ".-1, "Алгыс" -2, "Кэскил"
-3, "Кэнчээри "-4,"Эбэ"-5 миэстэлэргэ тигистилэр."Сэргэ" түөлбэ кыайыылаах кубогын хаһаайына буолла.
Биирдиилээн күрэхтэһээччилэр:
Данилова Аида Николаевна("алгыс") -1
Семёнова Настя-2 ("Сэргэ")
Семёнов Эльдар3("сэргэ") бочуоттаах миэстэлэргэ тиксэн грамоталарынан, мэтээллэринэн наҕараадаланнылар.
Маны ааһан учуутал күнүгэр,Россия култууратын бастыҥ тэрилтэтэ Күндээдэтээҕи С.Н.Эверстова аатынан "Тускул "норуот айымньытын дьиэтэ тэрийбит "Үтүө санаа кынатыгар уйдаран учууталлар ыллыыллар" бырайыак кыттыылааҕар биир кэрэ куоластаах устуоруйа уруогун учууталыгар Федорова Мария Артёмовнаҕа онлайн кэнсиэргэ кыттыбытын туһунан туоһу сурук туттарылынна.
Тас дойду култууратыттан киирбит хэллоуин бырааһынньыгар анаан макияж күрэҕэ буолла.Маны аныгылыы инстаграмынан "лайк " көмөтүнэн кыайыылааҕы көрөөччүлэр быһаардылар.Саамай элбэх куолаһы ылбвт Сымытов Максим 7кыл.үөрэнээччитэ кыайыылаах аатын ылан грамотанан уонна сэмэй бэлэҕинэн наҕараадаланна.
Бары күрэхтэргэ кыттыбыттарга туоһу суруктар туттарыллынылар.
Күндү биир дойдулаахтарбыт инникитин да өрүү көхтөөх буоларгвтыгар ыҥырабыт.санаабыккыт сатана туруохтун, толкуйдаабыккыт тобуллан иһиэхтин.
....... ЧЭРИЛГИЙЭ....