Ахсынньы 31 күнүгэи Саха Республикатыгар Ийэ сыла, Ньурба улууһугар Норуот көҕүлээһинин сылын түмүктүүр тэрээһин Чуукаар нэһилиэгэр буолан ааста. Ол курдук бу күн "Ньурба улууһа" МР аҕа баһылыга Алексей Михайлович Иннокентьев өйөөһүнүнэн "Ийэҕэ махтал" сквер (бырайыак ааптара Ульяна Иванова) арылынна. Кыттыыны ыллылар "Чуукаар нэһилиэгэ" МТ баһылыга Владимир Петрович Степанов, бар дьонун ис сүрэхтэн эҕэрдэлээтэ, сайдан-үүнэн иһиэххэ диэн ыҥырда уонна сквер арыллыытын өйдөбүнньүк кыһыл лентатын Ульяна Ивановалыын кырыйдылар, Дьоруой Ийэлэргэ өйдөбүнньүк бэлэхтэри уонна суруктары туттартаатылар.