"ЭЙГЭТТЭН ЭҔЭРДЭ" СОНУННАР, БИЛЛЭРИИЛЭР. 

    Нэһилиэк баһылыга Владимир Петрович Степанов иһитиннэрбитинэн Саха сиринээҕи ГУП ЖКХ ремонтнай программатыгар чааһынай ыалы киин ититиигэ холбуурга үп көрүммүтүнэн сибээстээн, Чуукаардааҕы СДК о.э. кулууп хочуолунай систиэмэтигэр 15 ЭБЭ түөлбэ ыала ититиигэ холбонор кыахтанна. ГУП ЖКХ 15 ыал холбоноругар 1мөл.265 тыһ. 421 солк. көрүммүт.Манна даҕатан эттэххэ былырыын ол эбэтэр 2021 сылга ,оройуон баһылыга Алексей Михайлович Иннокентьев “НЬУРБА оройуонугар тыа сирин сайдыытыгар”программа иитинэн нэһилиэктэргэ олохтоох нэһилиэнньэ бэйэтэ талбыт бырайыактарыгар үбүнэн көмө көрбүтэ. Чуукаар нэһилиэгэр 3мөл. Көрүллүбүтүттэн 600 тыһ. Солк. Кыһыл суолун ямочнай өрөмүөнүгэр ,150 тыһ.солк. суол бэлиэлэрин ылан туруорууга, 2мөл.200 тыһ.солк. Эбэ түөлбэҕэ киллэриллиэхтээх ититии ситимин магистральнай трассатын турбаларын ылыыга уонна тиэллэн кэлэр үбүн төлөөһүҥҥэ ороскуоттаммыта. Билгин хочуолунайга холбонорго сайаапкалаах дьон докумуоннарын ситэрэн хомуһан туттара сылдьаллар.
    Кулун тутар 14 күнүгэр Саха Өрөспүүбүлүкэтин Судаарыстыбаннай мунньаҕын (Ил Түмэн) бэрэссэдээтэлин солбуйааччы Антонина Афанасьевна Григорьева нэһилиэк тэрилтэтин салайааччыларын ,актыыбын кытары көрүстэ. Манна, Саха Өрөспүүбүлүкэтин Судаарыстыбаннай мунньаҕын (Ил Түмэн) солбуйааччы бэрэссэдээтэлин Антонина Григорьева аатыттан “ийэ сылынан уонна дьиэ кэргэн политикатын сайдыытыгар кылаатын иһин” диэн ис хоһоонноох Махтал суруктар туттарылыннылар: Александрова Анна Моисеевна5а,Попова Анна Куприяновна5а,Васильева Мария Яковлевна5а,Степанова Раиса Гаврильевна5а,Казакова Ирина Егоровна5а,Семенова Мария Семеновнаҕа,Назарова Мария Семеновнаҕа итини таһынан «Арассыыйаҕа култуурунай нэһилиэстибэ сылынан уонна култуура сайдыытыгар кылаатын иһин» махтал суруктарынан наҕараадаланнылар Федорова Лариса Семеновна,Сивцев Андрей Ильич, Кириллина Елена Николаевна.

                            Оскуола олоҕуттан билиһиннэрдэххэ.

   
Кулун тутар 12 күнүгэр 5 кылаас үөрэнээччилэрэ, салайааччы учуутал Майя Анатольевна Назарова, быйылгы саҥа дьылга фотозона күрэҕэр бастаан,бириистэрин - Сунтаардааҕы Тещин язык сынньалаҥ паркатыгар сынньанар Путевкаларын туһанан, баран дуоһуйа сынньанан ,астына хатааһылаан кэллилэр.

    Кулун тутар 16 күнүгэр Хатыы Нэһилиэгэр боксер,хайыһардьыт , физическэй культура туйгуна Дмитриев Василий Егорович 75 сааһыгар аналлаах оҕолорго оройуоннай хайыһарга сүүрүү күрэҕэ буолла.Бу күрэххэ барыта 13 оскуолаттан сүүстэн тахса оҕо кытынна.

   
Чуукаар оскуолатыттан физрук Василий Васильевич Николаев салалтатынан сэттэ оҕо кыттыбытыттан кыргытарга Николаева Вилена 1,Николаев Володя 2 бириистээх миэстэлэргэ тигистилэр .
   Оҕолор сааскы каникулга бараары бэлэмнэнэ сылдьалларынан сибээстээн каникул кэмигэр бэрээдэк туһунан , сыстыганнаах дьаҥ хаптайа илигинэн сэрэхтээх буолуу,хайдах харыстанар туһунан араас таһымнаах бэсиэдэлэр ыытыллаллар.

                                        Детсад сонуннара
    “Ымыычаан” оҕо уһуйааныгар, дьаҥынан сибээстээн хааччахтаммыт режим сымнаабытынан сибээстээн төрөппүттэр о5олорун бэйэлэрэ килэрэллэрэ,ылаллара көҥүл буолла эрээри тэрээһиннэргэ сылдьаллара көҥүллэммэт. Бу күннэргэ «Генератор сухого тумана” диэн дезинфекциялыыр прибор сакаастаан ылбыттар.
    “Портрет мамы” республиканскай аһаҕас кэтэхтэн уруһуй күрэҕэр кыттан Билюкина Мичийэ 2 степеннээх дипломунан наҕараадаланна,салайааччы Людмила Васильевна Васильева.
Саха АССР төрүттэммитэ 100 сылыгар аналлаах Маалыкай куустатын уһуйааннарын икки ардыгар ыытыллыбыт театральнай туруоруулар күрэхтэрин түмүгэр Ымыычаан детсад ”лучшая афиша –буклет” номинация хаһаайыттара буоллулар.

                                              Култуура сонуннара

    Чуукаардааҕы Е.М. Поликарпов аатынан «Эйгэ» култуура киинин үлэһиттэрэ уонна олохтоох бибилэтиэкэ биир дойдулаахтара Владимир Семёнович Егоров «Таас Тиит» остуоруйа кинигэтин сүрэхтэниитин ЗУМ уонна ЮТУБ нөҥүө тэрийэн ыыттылар.

    Кинигэ сүрэхтэниитигэр, ХИФУ картиннай галерея сэбиэдиссэйэ, худуоһунньук Мария Семёновна Попова, «Таас Тиит» бырайыак салайааччыта Галина Егоровна Павлова, «Сахаэнерго» пресс-киинин суруналыыһа, СӨ Суруйааччыларын холбоһугун чилиэнэ, «Таас Тиит» остуоруйа тылбаасчыта Саргылана Борисовна Савватеева, «Чуукаар нэһилиэгэ» МТ баһылыгын солбуйааччы Татьяна Николаевна Афанасьева, Ньурба кииннэммит бибилэтиэкэтин салайааччыта Анна Витальевна Багмет, «Кэскил» оҕо хаһыатыттан Кристина Иванова, Чуукаардааҕы «Ымыычаан» оҕо уһуйаанын иитээччитэ Нария Николаевна Назарова кыттыыны ыллылар, кинигэ ааптарыгар эҕэрдэлэрин эттилэр.

                     

                                                                     Надежда КАЗАКОВА