Саха Өрөспүүбүлүкэтин Ийэлэрин күнүн көрсө

култуура үлэһиттэрин икки ардыгар ыытыллар

«Асчыт Далбардар» кулинарнай - шоу бырайыак

Алтынньы 17 күнүгэр Сэргэн Лэкээрин ютуб сырайыгар бэрт сонун тэрээһин буолан ааста. Ол курдук, Горнай улууһун Солоҕонун култууратын киинин уонна Ньурба улууһун “Чуукаардааҕы Е.М.Поликарпов аатынан “Эйгэ” норуот айымньытын уонна спорт киинин” үлэһиттэрэ Ийэ күнүнэн бар дьоннорун сэргэхситэн быһа эфирынан кулинарнай шоу бырайыак тэрийэн ыыттылар. Бырайыак ааптара Анастасия Васильева.

Көрөөччүлэр, икки улуус дьоно олуһун сэргээтилэр, куһаҕан да үчүгэйдээх диэбиттии, бу хамсык ыарыы култуура эйгэтин үлэһиттэрин саҥа технологиялары туһанан сонун сүүрээни киллэрэн араас тэрээһиннэри ыытарбыт элбээтэ.

Кулинарнай шоуга култуура үлэһиттэрэ бэйэлэрин билиһиннэриинэн саҕалаан, кууруссаттан үс араас аһы астаатылар. Солоҕоннооҕу култуура киинин үлэһиттэрэ түргэнник буһар куурусса рулетын, ананаастаах куурусса салаатын, кууруссалаах блины, Чуукаардааҕы Е.М.Поликарпов аатынан “Эйгэ” норуот айымньытын киинэ кисло-сладкай соуска буспут клярдаах кууруссаны, пикантнай кууруссалаах салаат, кууруссалаах аһыы фунчеза салаата уонна экзотическай фрукталаах кууруссаттан астанар салааты астаан көрдөрдүлэр, үлэһит уолаттар бар дьоннорун ырыаны-тойугу өрө тутан, норуо аймньытын уонна спорт киинин директора Лариса Федорова, библиотекарь Клавдия Андреева икки улуус олохтоохторун быһа эфирынан эҕэрдэлээтилэр!

Маннык саҥа сүүрээни батыһан ыытылла турдуннар сонун тэрээһиннэр, хамсык диэн хаайыллан олорбокко улуустар сомоҕолоһон истиннэр диэн бэйэбит баҕа санаабытын этэбит!

Сонуннаата Лэкээрин Сэргэн Ил