Бүгүн кулун тутар 16 күнүгэр А.Ф.Алексеев аатынан Чуукаардааҕы орто оскуола 6-7-8 кылааһын үөрэнээччилэрэ учууталларын кытары Е.М.Поликарпов аатынан “Эйгэ” норуот айымньытын уонна спорт киинин үлэтин-хамнаһын билистилэр. Маҥнай утаа оҕолор саалаҕа тоҕуоруччу мустаннар “Култуура – олох ситимэ” диэн кылгас аан тыл кэннэ култуура дьиэтигэр хас үлэһит баарын билистилэр. Бу кэннэ кулуубу кэрийэ сылдьан тустаах специалистар үлэлэрин көрдүлэр. Куолаһы арыйар распевка оҥордулар, маны сэргэ сынньалаҥы туһалаахтык аатарарга аналлаах остуол оонньууларыгар (бильяр, теннис, хабылык, хаамыска, шашки) оонньоотулар.

Бу курдук нэһилиэк кэнэҕэски ыччаттарын култуураҕа сыһыаран, үүннээн-тэһииннээн илдьэ сылдьан иитэн таһаарарга дьулуһуу - бары өттүнэн Дэгиттэр киһини иитэн таһаарыыга төһүү күүс буолар!