Түөлбэм мааны Саҥа Дьыллааҕы түбэтэ

Саҥа Дьыл буолара күнтэн-күн чугаһаан иһэр, бу күнтэн барыта аптаах, туох эрэ уратылаах күннэр үүнэллэр. Чуукаардааҕы Е.М.Поликарпов аатынан “Эйгэ” НАуоСК үлэһиттэрэ аптаах-алыптаах күннэри нэһилиэк олохтоохторугар бэлэхтииллэр.

Бүгүн ахсынньы 20 күнүгэр Эһээ Дьыл уонна Хаарчаана доҕотторунаан кэлэр сыл бэлиэтин Оҕуһу сиэппитинэн, аптаах холбуйаҕа “Үтүө санаа харыйата” аахсыйаттан киирбит бадаарактары 60-тан тахса элбэх оҕолоох ыалларга, тыыл-үлэ бэтээннэригэр, соҕотох олорор нэһилиэк олохтоохторугар түҥэттээтилэр.

Нэһилиэк 5 түөлбэтэ “Түөлбэм мааны Саҥа Дьыллааҕы түбэтэ” диэн күрэскэ Саҥа үүнэр сылы көрсө киһи хараҕа хайҕыы, сөҕө-махтайа көрөр гына киэргэппиттэр, хас биирдии түөлбэ соһуччу музыкальнай нүөмэрдэри бэлэхтээннэр Эһээ Дьылы уонна Хаарчаананы үөртүлэр, дууһаларын сылаанньыттылар! Ама, маннык үчүгэй түгэни быһа эпииринэн көрө олорон Саҥа Үүнэр сыл алыбыгар ким итэҕэйбэт буолуоҕай?

Түгэни туһанан бары нэһилиэкпит олохтоохторугар уонна түөлбэ салайааччыларыгар дириҥ махталбытын тиэрдэбит!