«РСФСР норуотун үѳрэҕириитин туйгуна», «Россия үтүѳлээх учуутала» Николаев Василий Николаевич сыралаhан тэрийбит «Олох оҥостуута» музейын нравственнай иитиигэ кыhата гынан музейнай уруоктар ыытыллаллара. Онтон ол урукку музейы тэрийсибит учуутал Василий Николаевич Николаев улуу кыайыы 50 сылын көрсө музейы саҥаттан тэрийэргэ сөргүппүтүн, оскуола директора Федоров А.П. өйөөбүтэ уонна педколлективы сыал-сорук туруоран, музейы тэрийэргэ күүстээх үлэни саҕалаабыта. Онон иккиһин музейы тэрийээһин саҕаламмыта. Бастаан начаалынай оскуолаҕа икки хоһунан икки салаалаах: “Чуукаар былыргыта” уонна “Чуукаар аныгыта – сэбиэскэй кэм” сэттэ экспозициялаах.

         2012 сыллаахха мастерскойга аныгылыы тэриллээх выставочнай хос аһыллыбыта, Петров Г.С. төрөөбүтэ 100 сааһыгар аналлаах выставка тэриллэн турар.

       Музей тэриллиэҕиттэн онтон-мантан элбэх киһи сырытта. Ил түмэн председателя Жирков Александр Николаевич, Ил Түмэн, үөрэх, наука, культура комитетын председателя Григорьева Антонина Афанасьевна, Прокопьев Владимир Михайлович – сир комитетын председателэ, үөрэх миниистирин солбуйааччы Никифорова Евдокия Павловна, тыа хаһаайыстыбатын миниистирэ Дмитрий Федосеевич Наумов сылдьыбыттара. Оскуола 90 сыллаах үбүлүөйүгэр Федеральнай казначейство Саха сиринээҕи управлениетын салайааччыта Николаев Алексей Егорович оскуола музейыгар сыаналаах бэлэх оҥорбута. Анисимова Марина Филипповна, Васильева Улита Ивановна курдук научнай үлэҕэ сыстаҕас учуталларга тирэҕирэн оҕолору «Шаг в будущее» научно-практическай конференцияларга кытыннарыы кѳхтѳѳхтүк барбыта. Оҕолор оройуоҥҥа, региоҥҥа миэстэлэhэн республиканскай конференцияларга тиийэ кыттыбыттара.

Музей туһунан сиһилии бу ссылканан киирэҥҥит билсин 
"Олох оҥостуута" Чуукаар нэһилиэгин түмэлэ